คำผญา
ไปหาพระให้เอาของไปถวาย ไปหานายให้เอาของไปต้อน
ความหมายไปหาใครก็เอาของติดไม้ติดมือไปด้วย
คำผญาที่คล้ายกัน
การงานนี้อุปสรรคแสนหมู่ เกิดเป็นคนต้องสู้ อย่าถอยร่นหลีกหนี ขุดดินดั้น สรรหาแต่บ่อนกิ่ว แนวสิ่วไม้ ประสงค์ไง้แต่บ่อนบาง คนผู้มีความฮู้ ซูซีเฮ็ดบ่แหม่น ความฮู้มีท่อแผ่นฟ้า เป็นบ้าท่อแผ่นดิน คันแม่นมีควมฮู้เต็มพุงเพียงปาก โตสอนโตบ่ได้ไผสิย่องว่าดี ชาติที่เงินคำแก้ว มันบ่แหม่นของไผ ผู้ใดมีใจเพียร หากสิหลงหลอนพ้อ ตกกะเทิน ว่าได้ลงมือคั้น งมปลาหาเต่า เอาให้เบิ้ดซุซ้ง ลงให้เบิ้ดซุด้าน สาแล้วจั่งสิเซา ทางหลายเส้น ตามใจสิเลือกไต่เอาแหล้ว มักเส้นโค้งโงเงี้ยวกะหากมี ทางหลวงก้วง(กว้าง)สังมัวเทียวแต่ทางขอก หมกปลาแดกตั้งโจ้โก้ สังมัวจ้ำตั้งแต่ตอง ลูกฮักเอาไส้ข้างหลัง ลูกซังเอาไว้ข้างหน้า เอาปลาป้อนหม่าม ลูกผู้ฮักกะด้อ บ่หลียวหน้าล่ำแล สิบสลึงอยู่ฟากน้ำ อย่าโอ้อ่าวคะนึงหา สตางค์แดงมามือให้ค่อยกำเอาไว้ เก้าสิฆ่าสิบสิฆ่าให้เอาแก่นคะยูงตี อย่าได้เอาบาลีต่อยตีตางฆ้อน ให้เจ้าเอาความฮู้ หากินในทางชอบ ความฮู้มีอยู่แล้ว กินได้ชั่วชีวัง ได้ขึ้นเฮือแล้ว อย่าลืมแพป้องไม้ไผ่ ได้เป็นใหญ่แล้ว อย่าลืมข้าผู้พลอย
หาคำศัพท์ไม่เจอ หรือยังไม่เห็นคำที่ต้องการ?
ช่วยแนะนำคำใหม่ให้เราสิ
